PKP OH PKP ( PUISI PKP )
Bu Pengawas , Bu GI dan Peserta PKP Kelas Rendah
Kecamatan Lembang
PKP OH PKP
(Puisi PKP)
Ku : Inah Enceu
(Puisi PKP)
Ku : Inah Enceu
Poé Ahad, mangsana peré
Waktuna istirahat, nyalsé
Kudu palatihan Pékapé
Ngeureuyeuh sanajan capé
In hiji taya nu kudu dipigawé
In dua mimiti aya LK kudu onlén
Loding, unavailable, érror baé
Aplod LK kudu mulan-malén
Janari buru-buru onlén deui
Dina kaayaan keur
sepi
Néang LK peuting tadi
Haté bungah LK geus nepi
Leuheung mun kelompokna kompak
Nyusun tugas imet, heunteu ngacak
Kadang babaturan teu nyampak
Sakapeung haté sok soak
On hiji RPP, nyieun nu HOTS
Mungguhing Penilaianana mah HOTS
Najan LK aya nu tinggal niron
Ngonsép kudu rada alon-alon
In tilu can parat tugas
Geus aya anu ngahiras
Cenah bantosan sing ihlas
Teu téga ningali anu ngahélas
Sanajan haté teu yakin bisa
Sabab tugas nu
kuring gé loba
Ngonsép, ngetik, jeung sajabana
Jaba kudu onlén, aplod sagala
Ti harita saré gigireun léptop
Bari nungguan internét nonstop
Loba tagihan nu can diaplod
Léptop poho teu distop
On dua nyieun RPP unit dua
Jaba kudu jeung praktékna
Dipeunteun ku kapala sakola
Ti awal nepi ka ahirna
In opat leuheung teu pati bangga
Aya waktu rada laluasa
Sabab Lkna ampir sarua
Jeung LK in tilu basa éta
On tilu pon kitu deui
Lk sarua jeung minggu kamari
Prakték ngajar kadua, basa éta kahiji
Ngan on tilu ngajarna lami
In lima best practice kudu diprin
Jeung ngeprin lembar monitoring
Éta gé diaplod kudu dikirim
Minangka tagihan nu ahir
PéKaPé, PéKaPé, oh PéKaPé
Sanajan mindeng rudet haté
Bébas tugas, ahirna bisa nyalsé
Narima honor, duit pamura-paméré
Nunggu ujian , teu puguh rarasaan
Mélang, hariwang, deg-degan
Sok sieun teu lulus, panasaran
Duh Gusti tangtayungan
Sukur-sukur lamun
bisa lulus
Komo mun peunteunna alus
Sabab hasil ujian moal bisa dipupus
Duka teuing mun
pamupusna husus
Mun teu lulus ulah susah
Éta tandana kudu betah
Jeung tandana pamaréntah nyaah
Bakal narima deui duit jatah
Sae maa, pas psn srg hate....😍😘
BalasHapuskeren bu inah
BalasHapusMantap mak...
BalasHapusMugia lulus ujian na 😊
Mantaaap Bu enceu...
BalasHapushatur nuhun, bu Omi
HapusAlhamdulillah tos lulus, neng aliz
BalasHapusHebring pisan Maaa... Jempol na opat
BalasHapusopat sareng jempol sampean heuheuy ....
Hapus