HARIRING KURING CARITA URANG
FLAMBOYAN PALEBAH
JALAN KA LÉMBANG adalah judul dongeng,
pada setiap episode diselipkan syair (hariring) yang merupakan curahan hati. Di bawah ini salah satu hariring yang
menjadi favorit penulis.
HARIRING:
FLAMBOYAN PALEBAH JALAN KA LÉMBANG
Basa
urang patepang anu munggaran
Sisi
jalan manehna rék megat délman
Nu
harita ku kuring keur ditumpakan
Ti wétan délman
maju ka kulon
Panasaran ieu
panon hayang, hayang mencrong
Teu katahan ieu
biwir hayang ngomong
Ngan sok inggis
nu manis heunteu ngawalon
Teu sangka nu manis ngajak kenalan
Haté reuwas, atoh jeung seseblakan
Malahan mah nu manis ngajak jangjian
Diantos handapeun tangkal flamboyan
Flamboyan
palebah jalan ka Lémbang
Nu manis
jungjunan rék ditungguan
Flamboyan palebah jalan
ka Lémbang
Susuganan jangjina
heunteu nyalahan
Hariring 1 :
BAGJA CAMPUR TUNGGARA
Mungguhing bulan cahyaan caang
Nanging batin poék ku rupa-rupa hahalang
Geuning kasusah teu weléh datang
Unggal peuting ... unggal beurang
Sanajan saliwat jiga marahmay
Padahal gumbira bagja téh lugay
Hayang kabagjaan terus nyampay
Nun Gusti mugia tunggara nyingray
Jalan nu kamari asa ngimpi
Jalan ayeuna asa sandiwara
Jalan nu bakal can katingali
Sugan tunggara jalanna bagja
Unggeuk jeung imut
Waktu ditanya jawabna unggeuk
Unggeuk lain pédah ambeuk
Ogé lain pédah henteu daék
Ngan sieun énya ditalék
Waktu neteup anjeun nyéréngéh
Imut lucu ngagelenyu
Ceuk haté naha ku anéh
Ka mamana nuturkeun mimilu
Naha anjeun nuturkeun mimilu?
Apan anjeun nuju nunggu-nunggu
Ngantosan di dinya unggal waktu
Nu diantos téh saha kitu?
Hariring 3 :
Nyusud Tulung
1. Ti lembur indit ka kota
Nungtut élmu niat sakola
Tapi dalah di kumaha
Lamun teu boga biaya
2. Nyusud tulung ka ditu ka dieu
Batan hasil kalah misleuk
Ari nasib kedah kieu
Najan pinuh keuheul ambeuk
3. Ngajul béntang ku asiwung
Béntang luhur di awang-awang
Nyungkeun tulung kanu Agung
Tempat kuring pikeun muntang
Tempat kuring pikeun muntang
Hariring 4
Taraté Mekar
Taraté nu mekar di
patamanan
Daunna mebér melengkung
Mangka hadé gumelar di pawenangan
Neneda hirup bener kanu Agung
Taraté payunen gedong
réktorat
Nambahan éndah kaayaan kampus
Mangka hadé nungtut élmu entong élat
Ngarah betah hirup hurip jadi mulus
Taraté nu mekar subur
dina émpang
Kacurugan nyurugna cai pancuran
Mangka hadé nungtut élmu téh teu
gampang
Masing junun miharti bebeneran
Taraté mekar dina
babalongan
Kahalangan jukut paris jeung saladah
Mangka hadé ngalap élmu kajongjonan
Nyiar harta teu karoris teu ibadah
Taraté nu mekar di
pilemburan
Pacampur écéng gondok jeung kayambang
Mangka hadé élmu lain keur minteran
Lampah goréng laku awon tong disorang
Taraté nu mekar di sisi situ
Diparetik ku anu eukeur mancing
Mangka hadé boga élmu pangaweruh
Tong licik ulah curaling
Taraté mekar payunen
saung ranggon
Daun luis dipiara uanggal dinten
Mangka hadé nungtut élmu soson-soson
Jaga baris ditanya jeung diréken
Subhanalloh ma....
BalasHapusHatur nuhun, tamba ngahuleng we, nyawang ka tukang heuheuy ....
HapusHatur nuhun, tamba ngahuleng we, nyawang ka tukang heuheuy ....
BalasHapus